Jump to content

Wq/tn/Cyanzayire Aloysie

Add links
From Wikimedia Incubator
< Wq | tn
Wq > tn > Cyanzayire Aloysie

Aloysie Cyanzayire (yo o tshotsweng ka 1964) ke mmueledi wa mosadi wa kwa Rwanda yo o neng a nna Tautona wa Kgotlatshekelokgolo ya Rwanda. Cyanzayire Aloysie o tshotswe ka Tlhakole e tlhola malatsi ale lesome le bongwe ka ngwaga wa , 1964 kwa kgaolong ya Ruhango, kwa province ya Borwa. Cyanzayire ke ene yo mogolo mo go barwa ba le supa mo lelapeng la gagwe. Cynzaire o nyetse mme o na le bana ba bararo.

Dikinolo

[edit | edit source]
  • Mo go sengwe le sengwe se ke se dirang, ke ikaeletse go se dira ka bojotlhe jwa me. Ke dirisa maatla otlhe a me fa ke wetsa tiro nngwe. Ditiro tsotlhe di tshwanetse go tlotliwa mme go botlhokwa go fitlhelela sengwe le sengwe se o se ikaeletseng. Tiro nngwe le nngwe e botlhokwa
  • Ditiro tsotlhe di a gwetlha. Mme kgwetlho e kgolo fa o dirisana le batho, bogolo jang fa o le moeteledipele o lekang go ba laola. Go tsenya tirisanommogo ya setlhopha go ka nna kgwetlho ka gonne rotlhe re na le tsela e e farologaneng ya go bona dilo fa re akanya ka maitshetlego a rona a a farologaneng le mogopolo wa rona. Mo maemong a mantsi tsela e o ka ratang gore dilo di tsamaye ka yone e ka se nne selo se se motlhofo. Se o tshwanetseng go se dira fela ke go leka go tlhaloganya mongwe le mongwe mme gape o leke go bua le ene ka go fitlhelela se o se ikaeletseng; o tshwanetse go dira jaaka setlhopha mmogo.
  • Tiro nngwe le nngwe e e dirwang ke monna le yone e ka dirwa ke mosadi, segolobogolo e e sa tlhokeng tiriso e e feteletseng ya maatla a mmele. Re bone basetsana ba dira sentle mo sekolong. Mosimane a ka tla mo maemong a ntlha mme mosetsana a tla mo maemong a bobedi le vice-versa. Fa seo se kgonega kwa sekolong, ke eng fa go tshwanetse ga nna thata mo tirong ya professional ? Rotlhe re dipilara tsa setshaba.
  • "Nyundo e ne e le sekolo sa ntlha sa saense sa basetsana mme re ne re le babulatsela. Fa o ruta dirutwa tsa saense, go na le kgonagalo e kgolo ya gore mongwe le mongwe a dire khoso epe fela. Ka lemorago la me la saense, ke ne ka tswelela go bona Bachelors Degree in Law kwa National 2018. Mmadikolo wa Rwanda"
  • Re tshwanetse go dira mmogo jaaka banna le basadi go tsholetsa setshaba sa rona. Go tshwana fela le lelapa; fa molekane yo mongwe a dira ka natla mme yo mongwe a sa dire sepe go raya gore lelapa ga le kitla le fitlhelela sepe. Mme banyalani ba ba dirang ka natla ba a atlega.
  • Jaaka leitibolo o tshwanetse go nna le maikarabelo le go nna sekao ka dinako tsotlhe. Ga o ba kaele fela mme ka metlha o tshwanetse go ba disa. Ka dinako tse dingwe o tlogela go nna kgaitsadi o bo o nna motsadi. Ke itumelela gore bana ba gaetsho ga ba a ntshwabisa kgotsa go palelwa ke go dira jalo,
  • Fa re bona kgetsi, re dira dipatlisiso tse di tseneletseng le go dira dipatlisiso go tila tshiamololo epe fela. Ga go na sepe se se maswe jaaka go atlhola ka tsela e e sa siamang. O tshwanetse go dirisa segakolodi sa gago mo dikgetsing tse di thata. Mme fa go ka fitlhelwa gore o ne o le phoso, go botlhokwa gore ka metlha o kope maitshwarelo le go baakanya tshenyo e o e bakileng. Re batho mme re tla tshwanelwa ke go dira diphoso. Fa o lemoga gore o dirile phoso, go botlhokwa go e baakanya.
  • Ke fetsa nako e ntsi kwa gae. Fa ke se kwa tirong. Ke itumelela go dira ditiro tsa mo ntlong e bile ke phepafatsa ntlo ya me nako le nako fa ke bona tshono.”
Retrieved from "https://incubator.wikimedia.org/w/index.php?title=Wq/tn/Cyanzayire_Aloysie&oldid=6466570"